منتدى الفرح المسيحى - علشان بحبك .. .....

علشان بحبك .. لمايكل سامي
+++++

تعرفي يعني ايه بحبك بجد ؟؟
يعني اول مانتخانق مع بعض مش ببقي طايق حد ولا حتي بيجيلي نفس اكل
واول مانتصالح باكل بطريقة واحد عمره ماداق الأكل :)

عارفه يعني ايه بحبك بجد ؟؟
يعني لما بتزعلي مني وتقفلي موبايلك ومش بعرف اوصلك
بتصل بأختك علشان اكلمك ولو مرضتيش تاخدي منها التليفون
تاني يوم اكلم زميلتك في الشغل واقولها تديكي التليفون بحجه ان تليفونك فاصل شحن
واول ماتاخدي منها التليفون افضل ارغي ارغي واحطك قدام الأمر الواقع :)

عارفه يعني ايه بحبك بجد ؟؟
يعني لما نكون زعلانين من بعض بحس اني اتحولت لشاعر
واكتب احلي كلام يخاطب المشاعر

عارفه يعني ايه بحبك بجد ؟؟
يعني نبقي لسه مخلصين مكالمة طويلة عريضة وارجع اكلمك من تاني واقولك
هو انا قولتلك باي ؟؟ :))

عارفه يعني ايه بحبك بجد ؟؟
يعني اقبل اننا نزعل من بعض ونخاصم بعض بس انسي اننا نفارق بعض

عارفه يعني ايه بحبك بجد ؟؟
يعني كل لما احاول اصالحك وانتي زعلانه مني والاقيكي مبترديش عليا
ابقي مضايق ومتغاظ واقول انا الغلطان اني كلمتها اصلا ولو ردت انا هعرفها ازاي متردش عليا
واول ماتردي بنسي كل حاجه واتحول لقطة واقولك ... ياااااه اخيرا رديتي .. وحشتيني اوي :$

عزيزتي الفتاة
لا تكوني سازجة وتتهميه بالضعف اذا فعل معكي هذا
ففن الإعتذار من سمات الرجال .. كي يحافظ علي شعور من ملكت قلبه
وانت ياعزيزي
لا تجعل مشاكل الحياة تجعلك تخسر من احببته تحت اي ظرف مهما كان
فربما تفقد حبيب لم تجد فيما بعد من يملئ فراغه داخل قلبك