منتدى الفرح المسيحى - ناس كتير فى القداس

ناس كتير في القُداس بتبقي مش حافظة المردات ،
طبعا ًبتبقي مكسوف، وبتضطر تحرك شفايفك حفظا ً لماء الوجه
و تفرح اوي لما يبدأو يقولوا كيرياليسون ،
تلاقي صوتك علي والنغمة مظبوطة ،
لكنك سُرعان ما تبُص في الأرض لما المرد يطول شوية ،
بعد شوية تبدأ تحس بالملل ، وتبُص في الساعة !!

لو كان بيحصلك كده ،
يبقي ركز معايا

أولا ً : حضورك القداس بركة عظيمة لأن الرب نفسه حاضر .

ثانيا ً : ماتركزش مع الناس ، وملكش دعوة ومتقلقش ناس كتير زيك كده

ثالثا ً : في موضوع انك مش حافظ ، مش هقولك احفظ الحان ، دي حاجة لازم من جواك تتحرك نحوها ، العيب مش ع

الكنيسة ، فسيبك من شماعة ابليس بتاعة ليه ميخلوش الصلوات كلها بالعربي ، و تعمل زي تلميذ خيبان نفسه

يصحي الصُبح يلاقيهم شالوا الإنجليزي

من المُقرر عشان هو مش بيعرف انجليزي !! وعشان متزعلش مني :

اكتر من نص القداس بيتقال بالعربي ، هل انت بتركز وبتتأمل فيه ؟ كفاياك بس تتأمل في الصلوات بالعربي ..

هتقولي : واعمل ايه لما يكون اللحن مش عارفه ؟

ارفع قلبك لربنا و صلي من قلبك صلاة ارتجاليه ،

و خلي عينك علي المذبح ، اطلب من روح الله يفتح عنين قلبك و تتمتع بالمسيح ،

الكاهن و الذبيح ..

حاول تتمتع بالقداس ، انت جاي تصلي ، صلي وارفع قلبك ليسوع ..

دي اهم حاجة