منتدى الفرح المسيحى - بلاش كلمه مالك

بلاش كلمه مالك !

https://upload.chjoy.com/uploads/1391896393241.jpg

لما تشوف حد بيضحك
لكن حاسس انه من جواه موجوع

اوعى تسأل مالك
ده بيبقى فاضله تكه واحده
وهيصرخ بأعلى الصوت

بيحاول يمشى حاله بأبتسامه لطيفه
الناس بتشوفها
منهم اللى يقول ضحكه صفرا
ومنهم اللى يقول ده بيمثل
ومنهم اللى بيفهم انه موجوع

الشخص اللى بيضحك ده وخلاص من جواه فى براكين
مبيبقاش مستحمل كلمه من حد
مبيركزش فى كلام حد

كل همه ميحسسش حد بألمه

عاوز لما يزعل يزعل لوحده

عاوز يضحك يمشى حاله

لما تشوف حد كده
مضايقهوش بكلمه مالك
لان كلمه مالك ديه .... ممكن تخليه يطلع كل البراكين اللى جواه

لما تشوفه بيضحك بس مش من قلبه
حاول انت تضحكه بجد من قلبه
بذكرى حلو
موقف قديم
حاجه بجد تفرحه
تخلى يطلع الضحكه من قلبه

بس بلاش كلمه مالك