منتدى الفرح المسيحى

دنيا بوشين :

عجبى على دا زمن بنعيش فيه

مش مفهوم الواحد ليه يتمسك بيه

دى دنيا بوشين وش بيضحك عليك

والوش التانى مكشر وربطك من رجليك

ووش بيخاف عليك وفى ظهرك بيشتم فيك

ووش تانى بيعك وفى وشك بيشتريك

غدارة الدنيا وبايعة كل اللى عاوز يعيش

و اما تطلب منها تقولك دا حرام ومفيش

كل واحد عشان مصلحته يبيع حتى اخوه

بيدوس على كل الناس حتى لو بينهم ابوه

دنيا الكبير فيها بياكل حق التانى

دنيا اللى عاوز يعيشها لازم يعيش انانى

الضعيف فيها وماشى جنب الحيطة

لا تسمعله صوت ولا تسمعله زيطة

ولا بيطلب بحقه ونسى انه بشر

وبيتعامل على انه نصيب وقدر

الكل فى بيظلم والظلم على كتير

والدنيا فى بتغدر دنيا مفهاش ضمير

عجبى عليك يا زمن

أخترت تكون القدر وأنت قلبك كله حجر

قلبت الميزان علينا ومبقتش تحكم بشر

( الكـــاتــــــب / بيشــــــــــــــــوى جـــــرجــــــــــــــــــــــس )