منتدى الفرح المسيحى - مش هسامح حد باعني

مش هسامح حد باعني ومش هاكون في يوم جبان
والي مش هايقدر تاني عمري ما اكون عليه ندمان
صبرت كتير عليكم ودا كان من عشمي فيكم
وقولت اكدب نفسي وبعتوني بـ ايديكم
صحبه بتجري ويا المصالح والي خاين والي بايع
والي يبيعك اول محطه تندهله يعمل مش سامع
مع اني عارف الكدابين بس كنت بحاول اصدق
وبين الشر وبين الطيبه مبقتش ياناس عارف افرق
كل المظاهر خداعه والملامح مش بتبين
وصاحبك الي قريب منك يسيب جرحك مايـهون
قلة الاصل بقت حاجه اساسيه بتدرس ف المدارس
حواليك 100 صاحب بس في الاخر واحد الي بيك يكون حاسس
والي تحبه وتشتريه بالغالي يطلع في الاخر ببلاش
والي يخونك يجرح فيك دا طبعه اصلا ميسواش
ضاعت الطيبه البريئه وسط الوحوش ومن الغدر مين يحوش
دول ديابه مستنين فريسه مينفعوش يكونو بشر
الطيب بقي اسمه ضعيف والخاين يقولوا عليه شريف
ياعالم مين يدافع ويحوش كل الشر الي انتشر
واحد تشوفه من بره تقول عليه صاحب صاحبه
والي يعرف ايه جواه تلاقيه في الاساس ناكر اصله
الدنيا بقت زي الغابة القوي هو الكسبان
والمصالح هي الدايمه وبتفرق في الاتمان
ياصحبي هقولك علي كلمه تكون في دماغك معقوله
تبقي حلو في المعامله هي دي اصل ‫الرجوله‬

بقلمي