|
لن ننسى قصيدة الشاعر الراحل أحمد فؤاد نجم عن شهداء مذبحة كنيسة القديسين بالإسكندرية
ينصر دينك يا بطل قتلت ناس عُزًّل كتير ستات، شيوخ وكمان عيال ازحت عنا خطر كبير دي ناس بتقول الله محبه والمحبه دي شئ خطير إقتل بطرس وإقتل مينا اللي إخواتهم ماتوا في سينا واللي ولادهم رقصوا فـي فرحك واللي فـ ميّتم بيعزّينا إقتل ماري وطنط تريزا دول ناس مافيهومشي ولا ميزه دايمًا كده يبتسموا في وشك ويقولوا اهلاً خطوه عزيزه وإقتل برضه عمّك حنا في اي خناقه بيحوش عنّا غاوي يصّلح بين الناس ولا يمكن يوّرد على جنّه وإقتل سامي ناجي نجيب اصل الإسم صراحه مريب يمكن يطلع واحد منهم او داقق على إيده صليب ولا اقولّك ... إضرب شبرا والكيت كات وميدان الاوبرا فجّر واحده في كل مكان خلّي جيرانهم يصبحوا عبرا لينا رب إسمه الكريم ها يجي يوم تعرض عليه تقف امامه و يسأل الشخص ده عملك إيه؟ بأي ذنب تقتله وفين ومين وإزاي وليه؟ إبقى قول لي يا بطل ها ترد يومها.. وتقول إيه؟ https://fbcdn-sphotos-b-a.akamaihd.n...56492787_n.jpg لله يرحمك يا شاعر الفقراء |
رد: لن ننسى قصيدة الشاعر الراحل أحمد فؤاد نجم عن شهداء مذبحة كنيسة القديسين بالإسكندرية
الله يرحمه كان فعلا لسان الفقراء والمظلومين |
رد: لن ننسى قصيدة الشاعر الراحل أحمد فؤاد نجم عن شهداء مذبحة كنيسة القديسين بالإسكندرية
ربنا يرحمه ويعزى اسرته كان شاعر رائع |
رد: لن ننسى قصيدة الشاعر الراحل أحمد فؤاد نجم عن شهداء مذبحة كنيسة القديسين بالإسكندرية
ربنا يرحمه
|
رد: لن ننسى قصيدة الشاعر الراحل أحمد فؤاد نجم عن شهداء مذبحة كنيسة القديسين بالإسكندرية
شاعر الغلابه والفقراء الله يرحمه شكرا رامز |
رد: لن ننسى قصيدة الشاعر الراحل أحمد فؤاد نجم عن شهداء مذبحة كنيسة القديسين بالإسكندرية
ربنا يرحمه
|
| الساعة الآن 09:50 AM |
Powered by vBulletin® Copyright ©2000 - 2025