|
معا كل يوم قصة قصيرة24\9
لما كنت في المدرسة طلعونا رحلة وقبل الرحلة بيومين صاحبي كان عمال يجهز حاجات كتيرة .. سندوتشات وبيبسي وشيبسي ومايه
وانا كنت دايما اتريق عليه واقوله يابني انت ليه هتشيل كل الحاجات دي فيه اختراع اسمه سوبر ماركت تشتري منه كل اللي انت عاوزه هناك المهم هو مسمعش كلامي .. وانا ركبت دماغي هو حضر كل حاجته اللي هياخدها معاه وانا حضرت فلوسي اللي هشتري بيها كل اللي انا عاوزه هناك واحنا رايحين مع بعض الاتوبيس هو كان شايل شنط كتير وتقيله وانا ماشي جمبه باشا حاطط ايدي في جيبي .. وفجأة لقيته بيقولي شيل معايا شنطة وساعدني قولتله ( هههههههههههه ) هو انا واخد فلوس علشان في الاخر اشيل !! المهم ركبنا الاتوبيس ووصلنا المكان اللي كنا رايحينه بس اتصدمت صدمت عمري لما ملقتش ولا سوبر ماركت في المكان اللي احنا رحناه .. عدت ساعه وعدت التانيه وانا بدأت اجوع ببص لصاحبي لقيته عمال ياكل .. رحت قولتله ماتجيب سندوتش .. قالي لا .. قولتله طيب خد الفلوس اللي انت عاوزها وهات سندوتش قالي بردو لا .. ماهو للأسف لو الفلوس كانت بتتاكل كنت كلتها احنا كده بردو في حياتنا علي الارض .. الموت ده رحلة .. وكلنا هنروحها فيه ناس بتكنز فلوس قبل ماتروح الرحلة دي بس لما تسافر مش هيستمتعوا بجنيه واحد منها .. وفيه ناس بتقضي عمرها كله تجهز سندوتشاتها ( اعمالها الصالحه ) وجايز الموضوع بيكون تقيل شوية عليهم من حيث انهم مش بيفضوا انهم يستمتعوا بحلاوة الدنيا بس ثق وقت مانروح الرحله دي ... هيدوقوا الحلاوة اللي بجد انا واحد من الناس بهتم كتير بشغلي وفلوسي وحياتي و و و و و و و ............... بس وقت ماروح الرحله دي ولا حاجه منهم هتنفعني اعمالي الصالحة بس طريقي الوحيد لخلاص نفسي قصة رمزية |
رد: معا كل يوم قصة قصيرة24\9
شكرا على المشاركة
ربنا يفرح قلبك |
رد: معا كل يوم قصة قصيرة24\9
ميرسى يامارى لمرورك ربنا يباركك
|
رد: معا كل يوم قصة قصيرة24\9
حلوه جدااااااااااااااااااااااا ومعبره اووووووووووووووووى
|
رد: معا كل يوم قصة قصيرة24\9
ميرسى يارينا لمرورك ربنا يباركك
|
رد: معا كل يوم قصة قصيرة24\9
دي قصة كل انسان علي الارض ياتري زي العذاري الحكيمات ولا الجاهلات ميرسي رندا ربنا يفرح قلبك
|
رد: معا كل يوم قصة قصيرة24\9
ميرسى ياايرينى لمرورك ربنا يباركك
|
| الساعة الآن 09:52 AM |
Powered by vBulletin® Copyright ©2000 - 2025