طريقة عمل كيكة الشيكولاتة بصوص الشيكولاتة التحفة سهلة جدااااااااااا
 

طريقة عمل كيكة الشيكولاتة بصوص الشيكولاتة التحفة سهلة جدااااااااااا

http://im30.gulfup.com/2012-05-12/1336837833341.jpg

الكمية تكفي:
12 شخصا
وقت التحضير:
30 دقيقة
وقت الطهي:
35 دقيقة
المقادير:
كوباية زيت

كوباية سكر

كوباية لبن (او كيس لبن نيدو بجنيه ومعاه كوباية ميه)

أربع معالق كبار كاكاو بودرة

بيضةوشوية فانيليا

كوباية دقيق حلوة وكيس بيكنج بودر
التحضير:
أول حاجة افتحي الفرن على درجة متوسطة

تدهني صنيتك سمنة او زيت وتبطنيها دقيق

ونيجي بقى للشغل المهم

تجيبي الخلاط بتاعك

وتحطي فيه

كوباية زيت

كوباية سكر

كوباية لبن (او كيس لبن نيدو بجنيه ومعاه كوباية ميه)

أربع معالق كبار كاكاو بودرة

واضربي يا أختي

هاتي بقى كوبايتك الحلوة وخدي من الخلاط واملي ثلاث ارباع الكوباية

وده يا قمراية الصوص

حطيه في التلاجة

الباقي اللي في الخلاط اكسري عليه بيضة حلوة وشوية فانيليا واضربي

تكوني ناخلة كوباية دقيق حلوة وكيس بيكنج بودر

وتحطي عليه الخليط اللي في الخلاط وبالمضرب السلك واضربي بالراحة

تصبي بقى في الصينية بالراحة

هتبقى كده

وتدخليها الفرن وتسيبها على الاقل نصاية ومتفتحيش عليها الفرن خااااالص الا لما تحسي انها استوت

طلعيها من الصينية وادهنيها بقى كده زي الشاطورة من الصوص بتاعنا اللي حطيناه في التلاجة

وسيبه في التلاجة شوية في الرف اللي تحت الفريزر

وطلعيها وبالهنا والشفا

ربنا يعوض تعبكم

ميرسى كتير ربنا يباركك

رد: طريقة عمل كيكة الشيكولاتة بصوص الشيكولاتة التحفة سهلة جدااااااااااا
 

ميرسي كتير و ربنا يعوض تعبك