منتدى الفرح المسيحى - هو ليه دايما المسيحيين متاكل حقهم !

هو ليه دايما المسيحيين متاكل حقهم !

https://fbcdn-sphotos-h-a.akamaihd.n...38093094_n.jpg
مسلم و مسيحي واحد كلنا مصريين و بعدين ؟؟
ليه كل حكومه بتدوس بتقل جزمتها على المسيحيين و تصهين على اي ارهاب ليهم و ترويع !!!
...
ليه الحكومات المصريه بتشوف بيوتهم و كنايسهم محروقه و اخرنا ناخد منهم جلسات عرفيه و في داهيه اللي حصل !
لو المسيحيين رفضوا الجلسات العرفيه بيتلموا من قفاهم و بيتهددوا
متزعلوش من اللي جاي ده بقى :
1- لو حتت ارض اتعمل عليها مسجد بوضع اليد حد هيتكلم لو حد بني مسجد حد هيتكلم ؟؟؟ عارف بقى لو حد بنى كنيسه هيحصل حرب اهليه ! عارف انك لو حبيت ترممها بس محتاج تراخيص ؟؟ ليه الخوف ده من الكنايس ؟؟ ليه كل محافظه بكبيرها اوي 5 كنايس في حين انك ممكن تلاقي 100 جامع
عارف ان مفيش كنيسه الا و لازق فيها جامع ؟؟ مش وحده وطنيه ده شرط في التراخيص لا و الأكبر لازم تلاقي مئذنة الجامع اعلى
2- لو واحده مسيحية قاصر اتخطفت و اغتصبوها و هددوها بنشر فضيحتها و لا هربت مع واحد و أسلمت او اسلمت عن اقتناع المسيحيين هيحرقوا الجوامع و يكسروا المحلات ؟؟
لكن لو حصل العكس يا ترا هيحصل ايه ؟؟ هيحصل زي اللي حصل في امبابه واحده قالوا انها مستخبيه في كنيسه و مكنش فيه حد جوا الكنيسه و اكيد انتم عارفين بقيت القصه
و مازالت الحكومه تصرح بأنها تحافظ على حقوق مواطنيها و هي بتعتبر المسيحي ربع انسان