منتدى الفرح المسيحى - عشانك يا مصر

عشانك يامصر

يا مصر قومى وارفعى رايتك لفوق
يمكن يشوفها الخسيس يفوق
يا مصر راسك فى السما برفعة شبابك
ولكل عربى مننا فاتحاله بابك
شعبك عظيم آباء عن جدود
تاريخك أول تاريخ فى الوجود
وجيشك يا مصر ده خيرة الجنود
بيرعى سماك ويحمى الحدود
وشعبك معاه الايد فى الايد
بهمة وارادة وعزم الحديد
عشانك يا مصر دمى وروحى
وحبك يا بلدى يداوى جروحى
ست راجل طفل شباب
لا يوم نخاف ولا ليلة بنهاب
عشانك يا بلدى أفوت فى الحديد
وأخرق عيون الجبان والعنيد
بشعبك وجيشك حتجرى الكلاب
وبنار تاريخك وشعبه المهاب
حنحرق يا مصر رماد ارهاب
وحيرفع رجالك رايات النصر
عشانك يا مصر
بقلم الصحفى/نبيل فاروق