منتدى الفرح المسيحى - معاك تتغير الحسبة

معاك تتغير الحسبة
اللى ليها كنت حاسبة
لانى معرفش الخير فين
بس كفاية عليا الايدين
اللى بترفعنى وقت الخطر
واشوف بعينى نزول المطر
بعد ماعشت كتير الجفاف
وكنت عايشة يدوب على الاطراف
خدتنى بحنية ياربى من يدى
وادتنى فرحة مش على قدى
لا دى اكبر واكبر من حلمى
اللى حلمتة وكان على قدى
وبع مارسمت الرسمة وخططت
جيت ياربى بحنيتك وليا رسمت
احلى من اللى خططتة وحسبتة
وطمنتنى بحنانك اللى حسيتة
ماهى مش صعبة ولا كمان سهلة
دى بس كدة حاجة فعلا احلى
انى اسيب الفرحة عليك
وامسك بس انا فى ايديك
لانى عارفة ان عنيك ليا شايفة
الفرحة والضحكة اللى ليا جاية
لا وكمان ادتنى انى انسى
اللى راح وفت وخلاص عدى
شكرا ياالهى لانك من الالم
خلقت بسمة وفرحة من العدم