منتدى الفرح المسيحى - (( ..... الله الله على البسمة ..... ))

(( ..... الله الله على البسمة ..... ))
الله ..... ع البسمة الجميلة اللى بتترسم (( عالوشوش ))
..... بتخلق جو جميل , جو فرح ومودة وبتصدر وش (( بشوش )).
الله ..... ع الايد لما تتمد تساعد الايد , تبنى (( متهدهوش ))
..... واما الرجل تمشى فـ مشاوير الخير , فاكراه (( مبتنسهوش )).
الله ..... ع العقل لما يبقى تفكيره نضيف يعليه (( ميقلهوش ))
..... والقلب مبسوط بيزقطط , الجرح (( ميكسرهوش )).

الله ..... ع المشاعر لما تكون صافية حب , رضى والغم (( متعرفهوش))
..... ومشاعر تانية بتبادلها نفس الشعور , قابلاه (( مبترفضهوش )).
الله ..... ع الذكريات وحب متشال , بيبقى دوا وشفا (( متمحهوش ))
..... والاخ لاخوه سنده , عكازه (( مينسهوش )).
..... وأب مهما قاسيت عليه , حبك جواه كل جراحك (( متنقصهوش )) .
..... والأم حنانها كل وصف الدنيا (( ميكفهوش )).
الله الله .....
م/هانى صموئيل
Eng/Hany samouel