منتدى الفرح المسيحى - يارتنى كنت مكانك وأتصلبت أنا

يارتنى كنت مكانك وأتصلبت أنا

https://upload.chjoy.com/uploads/1366745414151.jpg

أنا إللى صلبتك ودقيت فى إيدك المسامير
أنا إللى جرحتك وجلدتك بسياط كبير
أنا الخاطي عبد وفى الدنيا كنت أجير
لكن إنت إلهى وعشانى إتعذبت كتير

أنا يهوذا إللى كان بيحب نفسه
أنا زيه بسلمك فى تصرفاتى أنا شبهه
بخونك كل يوم وطريق الخطية بكمله
وياريتنى أسيب الكون وأشيل صليبك وأحمله

أنا بطرس إللى أنكرك 3 مرات
وأنا كمان مش بحرس حواسى من اللذات
إللى فيه مصلحة بروحله وبنشغل فيه وأنساك
ولما ضميرى بيصحى بعترفلك
وبتمحى من الخطايا ألالافات

أنا مجرم ومستهلش صلبك يا غالى
أنا وحش ومعاك ملاوع وأنانى
أنا تعبان حاسس إنى مريض عقلانى
سايب ملكوتك ومجدك وحياة فانية وخدانى

قدمت كل ما تملك يا يسوع بس عشانى
روحك ودمك يا فاديا إتجسدوا فى شكل إنسانى
ودى كانت خطة إلهية كان لازم تأخد مكانى
عشان الخطية الجدية مت إنت بدالى

أنا مين عشان تحبنى من البداية ؟؟؟
أنا أيه عشان تتغفرلى شتى الخطايا ؟؟؟
أنا قاسى والأجرام فى دمى ما له نهاية
وما أستهلش منك الحب والعناية

صلبك صدقنى ليه قيمة بالنسبالى
يا يسوع سامحنى وشكل حياتى من تانى
زى الخزف أعملنى وخلى إيديك محوطانى
لو إتغيرت فى لونى رجعنى شبهك وبروحك إملانى

أجرحك تانى لا بجد مش هيكون
بقدر إمكانى هحاول أحبك وأصون
وأسمع كلامك الروحانى فى الأنجيل وأقرأ المزمور
ساعدنى ياربى أنا مديونلك وعارف إنك حنون
ساعدنى أكون إبنك إللى عشانه خلقت الكون