منتدى الفرح المسيحى

متطلبوش منى احس بيكم
وانا اصلا كنت على طول فهماكم

متطلبوش منى احس بيكو وانتم مخنوقين
وانتم اصلا شايفين الحزن فى عنيا وساكتين

مطلعونيش انا الغلطانه
اول ما تحسوا ان الغلط عندكم انتم

متقولوليش على ده غلط
وانتم اصلا بتعملوه (انصحوا نفسكم)

متفضلوش تقولولى كل شويه انتى غبيه
طب ما انا كنت مهتميه لكن كان ايه اللى اتغير

متبقوش انتم منكدين عليا
وتقولوا عليا انى نكديه

متبصوش للعيوب اللى فيا
لكن حاولوا تغيرونى

انا احترمتكم ... اهتميت بيكم ... كنتم اغلى من نفسى
ولكن ايه الجديد
برضوا بدوروا على نفسكم
محدش فيكم فكر فيا

اسمحـــولى انسحب
وافكر فى نفسى فى اللى باقى من عمرى
اسمحولى انسحب
واحب نفسى شويه
اسمحــــولى انسحــــب
ومكونش ولو لمره ضحيه