منتدى الفرح المسيحى - خلى الحقيقة تاخد مكان الكدب

المجتمع زرع فينا مفاهيم👇
عن القيمة…
عن النجاح…
عن المقارنة…
وعن إنك لازم تثبت نفسك طول الوقت
وصوت تاني بيزرع خوف، شك، إدانة
وشعور إنك مش كفاية...😡
فنفضل نحاول نصلّح حياتنا وإحنا شايلين نفس الأفكار...
بس الكتاب ما قالش اتغيروا في ظروفكم..
قال:
«تَغَيَّرُوا عَنْ شَكْلِكُمْ بِتَجْدِيدِ أَذْهَانِكُمْ» (رومية 12:2)✨️
يعني الخناقة في الذهن
وفي الفكرة اللي بصدقها عن نفسي وعن ربنا وعن العالم🙄
لأن الفكرة بعد كده بتبقى اعتقاد والاعتقاد بيشكل سلوك...👣
التغيير مش ضغط ولا تمثيل النسخة الأحسن منك ..🤌
التغيير إن الحقيقة تاخد مكان الكدبة
ووقتها الحياة كلها تمشي في اتجاه مختلف👌