منتدى الفرح المسيحى - خلّي جبالي تتحوّل شهادات

جبال جوايا واقفة زي صخور سكتها السنين.. تقيلة.. محدش سامع صوتها غيري.
وبصراحة.. في لحظات كتير حسّيت إنها أعلى مني
وإنّي مهما حاولت أتسلّقها مش هعرف أعدّي.
بس يمكن الجبال دي مستنيه لمسة منك يا رب..
لمسة تهزّ القفل اللي واقف على باب قلبي، وتفتح الطريق اللي باين مقفول من سنين.
يمكن محتاجة نفخة روحك.. اللي تغيّر الموازين.
. وتحوّل اللي شايفه جبل.. لطريق ممهد أعدّي فيه وأنا ماسك في إيدك.
يا رب.. لو إيدي ضعيفة اتشدّد بإيدك.
ولو روحي مطفية نوّرها بنورك.
ولو جبالي عالية قوي.. هزّها بسلامك لحد ما تقع،
لحد ما تهدى، لحد ما اتحرر من حملها.
خلّي جبالي تتحوّل شهادات.
وتقيلة أيامي تتحوّل ناس في طريقي تقول:
“كان تعبان.. بس ربنا شاله.”