منتدى الفرح المسيحى - شخصية عجيبة جدا تستحق الكثير من التأمل (ليئة)

(ليئة)
شخصية عجيبة جدا تستحق الكثير من التأمل،
الله شكلها تشكيل عجيب كما يشكل الفخاري قطعة الطين ليجعل منها وعاءا جميلا .
كلنا حافظين قصة حب يعقوب و راحيل و أنه اشتغل ١٤ سنه
عند خاله عشان يتجوزها بس بين سطور القصه دي قصة مختلفة خالص
هي ليئة البنت اللي معندهاش أي مظهر من مظاهر الجمال
و نظرها ضعيف، اللي أهلها كانوا معتبرينها حمل عليهم
ولازم يخلصوا منها وجوزوها ليعقوب من غير مايعرف
و يعقوب اللي أول ما شافها تذمر و قال مش دي البنت اللي بحبها وعاوزها أنتم خدعتوني .
تزوجت رجلا وخضعت لرغبة أبيها، وهي تعلم أنه لا يرغبها .
حضرت زواج زوجها ( يعقوب ) على أختها ( راحيل ) .
كيف كافآها الله على خضوعها ونفسيتها التي تحطمت ؟
كيف جعل الرب الطين صالحا للإستعمال ؟
كان ربنا شايف ليئه بطريقة تانيه خالص كانت في نظره محبوبه و مثمره
( وَرَأَى الرَّبُّ أَنَّ لَيْئَةَ مَكْرُوهَةٌ فَفَتَحَ رَحِمَهَا، وَأَمَّا رَاحِيلُ فَكَانَتْ عَاقِرًا "التكوين31:29" ).
أنجبت نصف الاسباط .
صارت جدة لكل كهنة العهد القديم فابنها هو لاوي .
جعلها الله جدة كل الملوك فابنها هو يهوذا الذي هو سبط الملوك ،
وجاء المسيح ملك الملوك من نسله .
اسم بكرها رأوبيم ( معناه ربنا شايف ) .
و لها ابن اسمه شمعون ( معناه ربنا سامع ).
ربنا شايف كل حد فينا بطريقه مختلفه عن الطريقة اللي شايفين بيها نفسنا
و اللي الناس شايفانا بيها ( لأَنَّكَ أَنْتَ مَحْبُوبٌ " دانيال23:9"). ❤️❤️