منتدى الفرح المسيحى - ربنا اللي أعرفه غير ربّنا اللي حكولكم عنه

ربّنا اللي أنا أعرفه… غير ربّنا اللي حكولكم عنه.

ربنا اللي أعرفه مش بيشدّك بسبب غلطك …
ده بيشدّك من وجعك.
مش بيقسو عليك… ده بيخفّف عنك.
ربنا اللي أعرفه مش واقف يراقب خطواتك…
ده ماشي جنبك حتى لو إنت مش واخد بالك.

أنا أعرف ربنا اللي بيستنى كلمة “يا رب”
من قلبك، مش من لسانك.
اللي بيلمّ روحك لما تتبعتر، ويفتحلك باب
وانت فاكر إن الدنيا كلها قافلة أبوابها.

ربنا اللي أعرفه… بيحبك بصدق،
وبيفهمك أكتر ما إنت فاهم نفسك،
وبيمسك إيدك حتى لو أنت سايب ايده .

ربنا اللي أعرفه…
ربنا الطيب، القريب، اللي عمره ما بيسيب حد لوحده.