منتدى الفرح المسيحى

إديني يا رب فرح زي اللي نزل في العرس..
الفرح اللي ماكانش مجرد ابتسامة.. لكن كان حضور.. حضورك إنت..
الفرح اللي قلب يوم عادي ليوم مايتنساش.. واللي حوّل النقص لزيادة..
والاحتياج لوفرة.. والمية اللي ملهاش طعم.. لخمر مليان حياة.
إديني فرح زي اللي في العرس..
فرح يدخل جوّا قلبي من غير استئذان..
ويملاني لدرجة أنسى معاها التعب اللي بقلّب في الليالي..
وفرح يطرد كل خوف.. وكل حزن..
ويقول لروحي: “قومي اعيشي تاني”.
إديني فرح زي اللي في العرس..
فرح مايتشرحش..
فرح يشهد إن إيدك لسه بتشتغل..
وإن اللي اتأخر.. راجع بزيادة.
املاني يا رب بفرحك..
الفرح اللي مابيخلصش..
واللي بيغيّر اليوم.. والمستقبل.. والقلب كله