منتدى الفرح المسيحى - نوع غريب من الأنانية

في نوع غريب من الأنانية
اللي يبان لك إنه “كويس” و“واقف جنبك”،
بس الحقيقة إنه واقف بمزاجه هو… مش بمزاجك انت.
الأناني الحقيقي مش دايما اللي بيقول
“أنا الأول”.
لكن ممكن الأناني اللي تلاقيه:
يظهر وقت ما هو محتاج يبقى كويس
يكلمك وقت ما هو فاضي
يسندك وقت ما يبقي عاوز يبقي في الصوره ويبين انه جامد
مش وقت ما انت كنت بتنده عليه
الأناني مش لازم يبقى شرير
ممكن يبقى لطيف جدًا…
بس لطيف لمصلحته.
الوجع الحقيقي مش إن حد يتأخر عليك
الوجع إنك تكتشف إن وجوده جنبك عمره ما كان “عشانك”…
كان دايمًا “عشان نفسه هو
عشان صورته وشكله قصاد الناس
وللأسف ماتقدرش تلومه
لإن كل واحد بيحب على قد ما يعرف
أجمل ناس في حياتك هم اللي بييجوا وقت ما انت محتاج…
مش وقت ما هما مستعدين.
علشان كده الكتاب قال
( المحبه مش بالكلام بل بالعمل والحق)