|
(انت السبب انت اللى بتضيع حاجاتك)😭
(انت السبب انت اللى بتضيع حاجاتك)😭 تأنيب الطفل بصوره كبيره مش بيساعده يحافظ على ممتلكاته🤦 العكس ممكن يهمل فيها اكتر الطفل لما حاجاته تضيع فى المدرسه بيكون افضل السيناريوهات كالاتى _ماما الاستيكه ضاعت _ياااه دى حاجه تضايق جدا اكيد طول اليوم كنت من غير استيكه (تعريف بالمشاعر) _اااه وكنت بستلف من اصحابى _طب هى ضاعت ازاى _سبتها على الديسك وانا نازل الفسحه ورجعت ملقتهاش _ممممممممم تفتكر راحت فين؟ _ممكن يكون حد خادها و ممكن تكون وقعت وضاعت _تفتكر المفروض نعمل ايه بعد كده ؟ _اشيلها فى الشنطه واشيل كل حاجتى قبل ما انزل الفسحه _تصرف هايل .اكيد هتاخد بالك المره الجايه لو ناخد بالنا من الحوار: 1_ساعدنا الطفل يفكر ف حل المشكله 2_معنفناش الطفل ولا ضايقناه 3_عرفنا مشاعره ملحوظات: _احنا بنساعد اطفالنا يميزو حاجاتهم مثلا بنكتب اسمهم على ادواتهم او نخليهم يميزوها بحاجه _الصبح قبل ما ينزل المدرسه يخليه يشوف معايا معاه ايه بالظبط ف شنطته 🔻اخر حاجه بقى التأنيب المستمر ده بيخلى ولادنا يكبرو يحسو أنهم السبب ف كل حاجه غلط و ده بنسميه شعور بالخزى فناخد بالنا من تأنيبنا المستمر 🔻 |
رد: (انت السبب انت اللى بتضيع حاجاتك)😭
بيخلى ولادنا يكبرو يحسو أنهم السبب ف كل حاجه غلط
و ده بنسميه شعور بالخزى فناخد بالنا من تأنيبنا المستمر �� مشاركة مثمرة ربنا يباركم |
رد: (انت السبب انت اللى بتضيع حاجاتك)😭
يرجى عدم توبيخ الطفل وتانيبه على اي شي بل النزول الى مستواه الطفولي والتحدث معه بكل هدوء ولطف وحنية فهو سيشعر تلقائياً بانه فعل شئ خطأ وليس نهره والصراخ في وجهه فهذا سيجعل منه طفلاً عدوانياً يكتم الغضب والمرارة بداخله وان استمر الاطفال هكذا سينشئ ذلك بالمجمل جيلاً عدائياً منطوياً على نفسه واحياناً سينقلون تلك المرارة الى اطفالهم مستقبلاً حذاري ثم حذاري
موضوع اكثر من رائع ربنا يباركك |
| الساعة الآن 05:15 AM |
Powered by vBulletin® Copyright ©2000 - 2025