منتدى الفرح المسيحى - الأمانة مش سلوك الأمانة مستوى

اَلأَمِينُ فِي الْقَلِيلِ أَمِينٌ أَيْضًا فِي الْكَثِيرِ…
والأمانة هنا مش صفة لطيفة… دى امتحان يومي للنفس.

صعبة على فكرة ومحتاجة وعى
ومحتاجة تدريب ومحتاجة تربية لنفسك يومية

الأمانة إنك تختار الصح من غير ما حد يشوف،
وتقف قدّام ضميرك قبل أى حد،

وتعملً الحاجة الصح حتى لو مش هتكسب منها غير راحة قلبك.

الأمانة إن قيمِك تفضل ثابتة،
مش بتتغيّر حسب المزاج…
ولا بتتهزّ قدّام بشر…
ولا بتتلون علشان شكل اجتماعي.

الأمانة إنك تكوني نفس الشخص قدّام الناس…
ونفس الشخص في الخفاء…
ونفس الشخص قدّام ربّنا.
لا تزييف… لا تبرير… لا التواء.

الأمانة إنك تحفظ اللي ائتُمنتِ عليه:
كلمة، سر، علاقة، شغل…
وتعملهم بضمير حتى لو محدش واخد باله.

لأن اللى ينجح في اختبار القليل…
ربنا يأتمنه على الكثير.

واللي يكون نضيف من جوّه…
ربنا يعليه من برّه.

الأمانة مش سلوك… الأمانة مستوى.

والمستوى ده هو اللي بيبان في كل خطوة