منتدى الفرح المسيحى - طموحي وأحلامي يا رب تخصك

طموحي وأحلامي يا رب تخصك..
مش عايز أسعى لوحدي ولا أوصل لحاجة بعيد عن قصدك..
كل فكرة في بالي، كل حلم بيكبر جوايا، نفسي يكون ليك فيه مجد.

خليني أحلم زي ما انت عايزني أحلم..
واجريني في سكتك مش في سكة نفسي..
خليني أفرح باللي تختاره حتى لو غير اللي أنا كنت عايزه.

طموحي الحقيقي مش النجاح قدام الناس..
لكن رضاك عني..
أحلامي الحقيقية مش في إني أملك..
لكن في إني أكون مملوك ليك.