منتدى الفرح المسيحى - ماتستهونش بحبة الجهاد الروحى اللى بتعملهم بالعافية دول

ماتستهونش بحبة الجهاد الروحى اللى بتعملهم بالعافية دول
الصلوة اللى [[بتعافر]] تركز فى كلماتها
فتركز فى ربع الكلام والباقى سرحان
قراية الانجيل اللى [[بتحاول]] تفتح تفسير وتفهم المكتوب
فتفهم شوية وشوية منتاش عارف بيتكلم عن ايه رغم انك بتحاول
القداس اللى بتصحاله بالعافية وتروح وانت مدروخ لكن [[بتقاوح]]
مع نفسك
والناس الصعبة اللى [[بتعافر]] تحتملها والمسيئين
اللى طالع عينك فى محاولة التماس الاعذار لهم
واوقات تنجح واوقات نص نص
[[والخطية اللى مطلعة عينك و[[بتحاول ماتقعش
واذا وقعت [[بتجرى]] تصلى وتقدم توبة من غير يأس
الناس الجميلة دى ابليس بيوسوس
فى دماغهم انهم مش مقبولين ومش فالحين
بالعكس خالص...مين فى ولاد ربنا يعنى ماشى زى القطر
اللى مالوش محطة ...الحياة الروحية
مش سهلة فيابخت اللى [[بيحاول]] حتى لو بالجهد
الروح القدس تكلم على فم ارميا النبى وقال للناس دى
"اذْهَبْ وَنَادِ فِي أُذُنَيْ أُورُشَلِيمَ[[النفس]] قَائِلاً: هكَذَا قَالَ الرَّبُّ: قَدْ ذَكَرْتُ لَكِ غَيْرَةَ صِبَاكِ، مَحَبَّةَ خِطْبَتِكِ، ذِهَابَكِ وَرَائِي فِي الْبَرِّيَّةِ فِي أَرْضٍ غَيْرِ مَزْرُوعَةٍ.
(أر ٢ : ٢)