منتدى الفرح المسيحى - أنا سايبها تمشي بإيدك يا رب

أنا دلوقتي في المرحلة اللي فيها كل الكلام قلّ..
وكل التفكير سكت.. وكل اللي طالع من قلبي كلمة واحدة بس: “يارب”.
مش عايز أفهم.. مش عايز أخطط.. مش عايز أتحكم في اللي جاي..
أنا سايب كل حاجة عليك.. لأنك إنت اللي شايف الصورة كاملة.
يمكن أنا شايفها صعبة.. بس إنت شايف خير فيها
.. يمكن أنا شايف ضياع.. بس إنت شايف بداية جديدة..
يمكن أنا شايف تأخير.. بس إنت بتجهّز حاجة تستاهل الانتظار.
أنا سايبها تمشي بإيدك يا رب.. زي ما تشوفها صح..
واثق إنك مش هتكتبلي غير اللي فيه خير..
حتى لو أنا مش فاهمه دلوقتي.