منتدى الفرح المسيحى - الأمان النفسي

‎ 🫂💖 🫶 الأمان النفسي

الأمان مش إنك تلاقي حد يحبك…
ولا إنك تفضل مطمّن طول الوقت إنه مش هيمشي.
الأمان الحقيقي هو إنك تلاقي حد وجوده يطمن روحك،
وتلاقي جهازك العصبي بيهدي وانت معاه
ويخليك تصدّق إن في حد في الدنيا فعلاً “ليك”.

الأمان إنك تكون على طبيعتك من غير خوف،
تحكي من غير ما تتحاسب،
تزعل من غير ما تتعاقب،

الأمان إنك تتصرف وأنت مطمّن إنك أمانة بين إيدين اللي قدّامك،
إنك تحس إنه مش بس حبيبك،
ده كمان مكانك، وأهلك، وصحابك، والونس اللي بترجع له كل مرة.

إنه يهديك “الأمان” كأنه بيهديك “الحياة”.

الأمان مش بس إنك تكون على طبيعتك معاه،
من حقك تغلط ومن حقك تنسي ،،

الأمان الحقيقي إنك تحط كل ثقة الدنيا في قلبه…
وهو ما يخذلكش، ولا يستغلها نقطة ضعف.

الأمان إنك تديه كل مشاعرك، خوفك، صدقك،
أخطائك، طفولتك، غضبك، وحُزنك،
وهو ياخدهم في حضنه ،
ويصونهم زي ما بيصون نفسه.

والأهم من كل ده…
إنه يراعي ربنا في علاقته بيك.

وده أسمى وأصدق معنى للأمان النفسي. 🤍