منتدى الفرح المسيحى - النهاردة لو لاقيت نفسك في مشهد مش مفهوم خليك زي يوسف

يوسف مر بمحطات كتير في حياته مش كان قادر يفهمها..
ازاي من حضن أبوه الحنون يترمي في بير مظلم؟..
ازاي من بيته يتباع كعبد؟..
وازاي من أمانة قلبه يدخل السجن ظلم؟

السنين عدت والمشاهد متلخبطة..
وأسئلة كتير جوه قلبه يمكن ماكانش ليها إجابة وقتها.
. لكن اللي فرق مع يوسف إنه رغم كل ده كان واثق.
. واثق إن ربنا مش هيسيب حكاية تبدأ بالظلم وتنتهي بالعدم..
واثق إن إيده اللي سايباه يعدي التجربة
هي نفس الإيد اللي هترفعه في الوقت الصح.

النهاردة لو لاقيت نفسك في مشهد مش مفهوم..
خليك زي يوسف.. مش لازم تفهم دلوقتي.
. بس كفاية تثق إن ربنا فاهم أكتر منك..
ومش هيكسر كلمة وعدها.