منتدى الفرح المسيحى - يا رب ادينا قلب واسع

يا رب ادينا قلب واسع.
. قلب يشوف القبح وما يتحولش لقبح زيه..
ادينا حكمة نرد بالطيب بدل ما نرد بالإساءة..
ادينا قوة إننا مانسمحش للشر اللي حوالينا إنه يغيّرنا أو يسحبنا لنفس دائرته.
ادينا يا رب ردود أفعال تشبهك..
نلاقي الكلمة اللي تطيب مش اللي تجرح..
نلاقي الابتسامة اللي تكسف الشر مش اللي تغذيه..
نلاقي الصبر اللي يمتص الغضب مش اللي يزيده.
ادينا يا رب نقابل القساوة برحمة.. والظلم بمحبة..
والأنانية بعطاء..
ونفضل دايمًا فاكرين إن إحنا ولادك وإنك سايبنا نكون نور وسط العتمة.