منتدى الفرح المسيحى - النهاية عنده فيها خير أكبر مما تتخيل

ساعات بنقف ونبص ورا على اللي عدينا بيه ونقول:
“إزاي أنا عدّيت من ده كله؟!”..
أيام كانت سودة في عينينا، ومواقف لو اتحكت محدش هيصدق إننا خرجنا منها واقفين.
. في لحظات كنا حاسين إننا مش هنكمل، وإن الطريق خلاص قافل..
بس اللي كان ماسك إيدينا هو اللي عدّانا..
ربنا اللي كان بيشدّنا من وسط الموج ويقوينا لما رجلينا مقدرتش تقف..
هو نفسه اللي كان معاك في الضلمة هيكون معاك في النور..
هو اللي كان بيشيلك هيكمل يشيلك..
واللي عدى بيك من حاجات كانت هتكسرك،
هيكمّل معاك ويعديك أي حاجة جاية مهما كانت صعبة..
كل مرحلة عدّيت فيها ما كانتش صدفة، كانت إعداد ودرس وحماية
وتعويض بيتبني لك على مهله لحد ما ييجي وقته وتفهم الصورة كلها.
أوعى تنسى.. اللي عدى كل ده مش هيسيبك في اللي جاي..
ربنا أمين، ومهما كان الطريق طويل وصعب،
النهاية عنده فيها خير أكبر مما تتخيل..