منتدى الفرح المسيحى - مشوار مالهوش لازمة

"كام مرة نزلت من البيت مش عارف رايح فين؟
كام مرة مشيت بقوة دفع مش مفهومة
بس ماقاومتش وماحاولتش تسأل نفسك بتعمل كدة ليه؟
في وسط الدراسة، الشغل،
والضغط المتواصل اللي احنا فيه ..
ساعات بننسى نسأل نفسنا: ""ليه بنعمل كل ده؟""
الحياة الحقيقية مش انك بتصحى كل يوم
وتكرر اللي بتعمله ..
ولا حتى انك تكون ناجح او معروف شوية وسط الناس …
لكن ان نجاحك ده - وتعبك ده يكونله معنى
وماحدش هايديك معنى حقيقي تعيش عشانه غير يسوع المسيح
اللي عايش أيامه من غير يسوع
شبه اللي نازل من بيته مش عارف رايح فين
حياته بتتحول لمشوار مالهوش لازمة