منتدى الفرح المسيحى - الخادم الواعي بيفرّق بين تعب بينور فيه النعمة وتعب بيطفيها

https://upload.chjoy.com/uploads/176094433371781.jpg

خليك_خادم_واعى
في تعب يقربك من ربنا..وفي تعب يبعدك عنه
.. حتى لو جوة الكنيسة..
مش كل مجهود بتحطه في الخدمة هو تعب بحسب قلب ربنا..
ممكن تتعب كتير بس تتعب في الاتجاه الغلط..

في تعب نابع من المحبة..
وفي تعب نابع من الرغبة في إثبات الذات..
في تعب يولّد سلام..
وفي تعب يسيب توتر ومرارة
وإحساس إنك دايمًا وراك واجب تقيل على قلبك..

التعب المقدس مش اللي يخليك منهَك..
لكن اللي يخليك مليان..
مش اللي يخلّيك تفقد نفسك..
لكن اللي يخليك تكتشفها أكتر في حضن ربنا..

الخادم الواعي بيفرّق بين تعب بينور فيه النعمة..وتعب بيطفيها..