منتدى الفرح المسيحى - اعدى المرة دى ولا اتكلم

في حاجات تعدي…
لأن الشخص أهم من الموقف.
وفي حاجات لأ…
لأن السكوت عنها هو اللي هيكسر العلاقة في الآخر.
بس الفرق بين إنك “تعدّي” وإنك “توقف وتواجه”
شعراية…
شعراية بين التسامح والتهاون، بين الحنية والاستسلام،
بين الحكمة والخوف.
وعشان كده سكة النضوج دي مش بتيجي من يوم وليلة ولا في حد بيعلمهالك..
دي بتتخلق جوه العلاقة، من وجع، ومن خيبات
، ومن صلوات اتقالت بحرقة: يا رب، المرة دي أعدي؟ ولا أتكلم؟
يا رب، علّمني أميّز،
إمتى تكون المعركة دي لحماية قلبي،
وإمتى تكون مجرد محاولة لإثبات ذاتي.
اديني الحكمة الإلهية اللي تخلي علاقاتي دايمًا دافعها، هو المحبة💜🙏