منتدى الفرح المسيحى - هو حاضر جوا التفاصيل اللي بتوجعك

••• يمكن تفاصيل الحياة تبان معقدة ومتشابكة قدام عينك..
بس في وسط كل ده تلاقي إيد ربنا بتتمد بلمسة حنونة..
تلمس مكان الوجع من غير ما تزيده.
. وتربّت على قلبك كأنها بتقول: “أنا فاهمك”.

.. هو مش بيقف يتفرج من بعيد..
هو حاضر جوا التفاصيل اللي بتوجعك
واللي مش قادر تفكها.
. يمكن أنت شايفها عقدة، بس عنده خيط
يقدر يحلها بخطوة بسيطة..
خطوة يمكن أنت نفسك ما تخطرش على بالك.

.. اطمّن.. لأن اللي ماسك الخيوط مش أي إيد،
دي إيد أب مليانة حب ودفا..
إيد قادرة توقف العاصفة وتهدي قلقك..
حتى لو فضلت الحكاية معقدة في عينك
، في حضنه تلاقي الأمان.