منتدى الفرح المسيحى - كنت أتمنى ابني يكون أحسن واحد وولد مطيع

https://upload.chjoy.com/uploads/172390182821061.jpg

كنت أتمنى ابني يكون أحسن واحد وولد مطيع
شقاوة مفيش وعقل كبير هادي جدًا وولد وديع
لكن مع مرور الأيام أحلامنا ضاعت في الهوا
صلينا كتير وتعبنا كتير وكنا ليه بنحلم سوا
يظهر إنه مافيش أمل يارب إيه بس العمل
يا ماما وبابا ماتزعلوش لسه الرب بيعمل في
زي المبنى اللي ماخلصهوش بيكملني شوية شوية
حتى لو كنت مش كامل ومش عامل اللي طلبتوه
أنا بوعدكم إني هاحاول أنا هاحاول ومازعلكوش
صدقوني تعب السنين وصلاتكم لي كل حين
في يوم في حياتي راح تبان وساعتها تبقوا فرحانين