منتدى الفرح المسيحى

في الوقت اللي كنت بحكيله فيه عن ضعفي…
عن أخطائي اللي بتتكرر، عن الأيام اللي فقدت فيها شغفي، وعن المرات اللي وقعت فيها رغم وعدي إني مش هقع تاني…🤦‍♀️
رد عليّ بهدوء، وبكل حنان قالّي:
«يَا كَامِلَتِي!» 💝 (نشيد الأنشاد ٥: ٢)
الكلمة دي خلت قلبي يسكت…
إزاي يناديني كاملة وأنا مليانة نقص؟
لكن هو شايف فيَّ اللي أنا مش شايفاه، شايف صورته فيَّ
، شايف القلب اللي بيحاول يرجع له،
شايف المحبة اللي لسه موجودة رغم كل حاجة🫂

ربنا ما بيحبناش لأننا كاملين، لكن لأنه هو كامل في محبته.
بيغطي ضعفنا بنعمته، وبيحوّل خجلنا لترنيمة، وكسرتنا لقصة خلاص.
فكل مرة تبص على نفسك وتشوف عيوبك،
افتكر إن في عينين فوق بتشوفك جميلة،
لأنك محبوبته، وكاملته. 💫