منتدى الفرح المسيحى - بنقولها بكل قلبنا لتكن مشيئتك يا رب

مشيئة ربنا ساعات تبان قدامنا غامضة..
خطواته مش دايمًا واضحة..
ونقف محتارين قدام ليه بيأجل؟
وليه بيسيبنا في سكوت طويل؟

بس الأكيد إن مشيئته مضمونة جدًا..
حتى لو مش مفهومة دلوقتي..
هو شايف الصورة كاملة
وإحنا مش شايفين غير الكادر الضيق اللي محاصرنا..
هو بيرتب الأحداث بأمانة، علشان يخلّص القصة على خير..

يمكن النهارده تبان الحكاية معقدة ومليانة لغز..
لكن بكرة تكتشف إن كل تفصيلة كانت في مكانها الصح..
وإنه استخدم حتى الوجع
علشان يفتح لك باب ما كنتش هتشوفه من غيره..

علشان كده بنقولها بكل قلبنا: “لتكن مشيئتك يا رب”..
لأننا متأكدين إن إيدك مش بتغلط.
. وإن خطتك هتفضّل أعظم من كل اللي بنحسبه بعقلنا..