زوادة اليوم :

تحويل المي لَخمر
https://upload.chjoy.com/uploads/176067023154781.jpg
بيخبرو عن سكّير مُدمِن، كان يبيع عفش بيتو ليشتري الويسكي. وبعد ما تعرّف ع يسوع الإله والمخلّص تغيّرت كل حياتو. بيقلّو تاجر الويسكي هوّي وعم يتمسخر عليه: «إذا بتآمن بيسوع المسيح، يعني بتآمن بهاك القصّة يلّي بتقول إنّو هوّي يلّي حوّل المي لخمر بعرس قانا الجليل؟» جاوب السكّير: «بكل بساطة أنا ما بعرف ولا أي شي عن قصّة تحويل المي لخمر، بس بعرف إنّو يسوع حوّل الخمر لأثاث بقلب بيتي، وبدل ما أصرف مصرياتي ع الويسكي، صرت عم إشتري عفش لبيتي، بعد ما آمنت فيه».

الزوّادة بتقلّي وبتقلّك:

«الرب هوّي نبع الحياة، هوّي نقطة التحوّل بحياتنا، هوّي يلّي بيهدينا ع الطريق الصحيح متل تلميذَي عمّاوس والقدّيس بولس، المهم نخلّي قلبنا يسمع همسات اللّه».