منتدى الفرح المسيحى - دي أول وأغلى استجابة🙏💜

عارف ايه اللي بيفرح ف الاستجابات أكتر من إن طلاباتنا اتحققت!!
إننا مسموعين..🫂❤️
مش قادر اعدي جمال الجملة دي من أول ما قريتها..

فعلا فكرة، إن في إله كان سامع تنهّدك وإنت ساكت،
شايف وجعك اللي ماحدش بيفسره..
ولسه بيقولك، أنا سامعك، حتى لو لسه ماجاوبتش🫂

في راحة فعلا بتحصل لما تدرك إن ودنه جنبك،
وإنك مش بتتكلم في الهوا،
وإن صلاتك مارحتش في الفراغ.
وساعات الإجابة بجد مش في تغيير الموقف
، لكن في السلام اللي بينزل على قلبك لما تسمع صوته جواك بيقولك:
"أنا سامعك، وبتصرف بطريقتي."

الكتاب بيقول:
عَيْنَا الرَّبِّ نَحْوَ الصِّدِّيقِينَ، وَأُذُنَاهُ إِلَى صُرَاخِهِمْ. (مزمور ٣٤: ١٥)

عايز أقولك، ماتفرحش بس لما الطلبة تتحقق، افرح أكتر وأكتر إنك مسموع.
لأن دي أول وأغلى استجابة🙏💜