منتدى الفرح المسيحى - قوم جوّه مركبي وهدّي الريح

بنرجع نتلخبط ساعات في حاجات كنا متأكدين منها قبل كده،
مش لأننا نسيناها…
لكن عشان التعب والخوف اللي حوالينا خلونا مش قادرين نكمّل تصديق!!

يمكن كنت واثق إن ربنا معاك،
بس لما الموج زاد، ابتديت تشك👀
يمكن كنت مؤمن إن وعده ليك هيتم،
بس لما الوقت طول… استسلمت!!💁‍♂️

زي ما التلاميذ صرخوا وهو نايم في السفينة:
فَتَقَدَّمَ تَلاَمِيذُهُ وَأَيْقَظُوهُ قَائِلِينَ:
«يَا سَيِّدُ، نَجِّنَا فَإِنَّنَا نَهْلِكُ!» (متى ٨: ٢٥)
وقتها قام، وانتهر الرياح، فصار هدوء عظيم. 🌊

النهارده، لو حسّيت إنك مش قادر تصدّق زي الأول..
ارفع عينك وقوله:
قوم جوّه مركبي، وهدّي الريح.
هو لسه هو، اللي بيكمّل ضعف إيمانك بقوته..💜🙏