منتدى الفرح المسيحى - متستهونش ابدا بالنظرة

في لحظة ضعف…
داود اللي قلبه حسب قلب الله، نسى نفسه!!
وقع في تجربة شكلها بسيطة… نظرة!👀
لكن النظرة جابت طمع في علاقة مش من حقه…
وقتها، ضحّى بسلامه علشان لحظة شهوة.
ضحّى بثقة الناس فيه علشان يخبي غلطه.🤦‍♀️
ضحّى بصاحبه أوريا، اللي كان أمين وبيحارب علشانه،
علشان يغطّي على اللي عمله🙄

وأوقات إحنا كمان بنعمل كده، بنطمع في علاقة مش لينا.
بنقرب من شخص عارفين إنه مش من نصيبنا.
بنحاول نمشي الأمور على هوانا، ونفكر إننا هنكسب…
لكن في الآخر، بنكتشف إننا خسرنا السلام،
خسرنا النقاوة، وخسرنا البركة..

بس القصة ما انتهتش هناك…✨️
لأن داود، لما واجه الحقيقة، انكسر قدام ربنا وقال:
"إليك وحدك أخطأت، والشر قدام عينيك صنعت"
والرب يسوع، اللي عارف ضعفنا، لسه فاتح حضنه، مستني توبة حقيقية ترجعنا تاني.

لو حاسس إنك وقعت، لو حسيت إنك خسرت الغالي…
لسه ينفع تبدأ من جديد💜
لسه ينفع تقول:
يا رب، أنا مش عايز أضحي بالغالي تاني. 🤲