منتدى الفرح المسيحى - لو كنت مكان نوح

https://upload.chjoy.com/uploads/176037991843821.jpg

لو_كنت مكان نوح
كنت غالبًا هقف محتار قدام الخشب والمسامير وأسأل نفسي:
معقول أبني فلك في نص الارض؟!
مش شايف نقطة مية ولا في غيم في السما🌧️
وكل اللي حواليا شايفين اللي بعمله عبث وسخرية🥺
بس يمكن الإيمان الحقيقي بيبدأ من هنا…
من اللحظة اللي مفيش فيها أي دليل غير كلمة من ربنا ! ☺️
من الموقف اللي بتبقى فيه بين اختيارين:
يا إما تصدق اللي شايفه، يا إما تصدق اللي سمعته من ربنا 🤯
نوح ماستناش المطر علشان يصدق
هو بنى الفلك علشان يعلن إنه مصدق♥️
وفضل سنين طويلة بيعمل حاجة محدش فاهمها
لكنها في النهاية كانت سبب النجاة 😄
أوقات كتير ربنا بيطلب مننا نبني فلكنا الخاص
نبدأ خطوة شكلها غريب أو نتمسك بوعد لسه بعيد 🥹
والناس يمكن تضحك ويمكن إحنا نفسنا نشك 😬
بس الإيمان مش محتاج إثبات…
الإيمان محتاج تصديق 😍
فا انت مصدق انه هيخليك تبنى لنفسك نجاه ؟
ولا لسة فاكر خطته ليك عبث ؟!