منتدى الفرح المسيحى - التقل صنعة 😉😉

التقل صنعة 😉😉
بس الحقيقة؟
التقل صنعة دي تنفع للمراهقين
، للّي مشاعرهم لسه مش متزنة كفاية،
فبيستخدموا التقل كوسيلة يداروا بيها ضعفهم أو ارتباكهم.
أو للّي عارف إن شخصيته مش مبهرة كفاية،
فبيستخدم التقل عشان يثبت إنه ناضج.

لكن الناضجين بجد؟
كلمة “التقل صنعة” عندهم ملهاش مكان في المشاعر.
كل ما تكبر وتنضج، تكتشف إن البوح مش ضعف،
وإنك لما تحس بحاجة تقولها،
لأنك عارف إن مشاعرك متزنة، مش اندفاعية.

وسوء استخدام كلمة “التقل صنعة”
ضَيَّع فرص، ووقف مشاعر، وخلّى حاجات حلوة ما تحصلش.
كل ده لأننا استخدمناها في المكان الغلط…
خصوصًا في العلاقات ❤️