منتدى الفرح المسيحى - القحط مش هيوقف حياتك

فاكرين لما حصل قحط في كل الأرض،
وإسحق كان عايز يهرب زي أي إنسان طبيعي؟!
الكتاب بيقول إن الرب قال له:
لاَ تَنْزِلْ إِلَى مِصْرَ. اسْكُنْ فِي الأَرْضِ الَّتِي أَقُولُ لَكَ." ( تكوين ٢٦: ٢)

وإسحق قرر يصدق، يزرع في أرض القحط،
في الوقت اللي كل الناس بتقول مافيش فايدة💁‍♂️
وكانت النتيجة إن:
وَزَرَعَ إِسْحَاقُ فِي تِلْكَ الأَرْضِ فَأَصَابَ
فِي تِلْكَ السَّنَةِ مِئَةَ ضِعْفٍ، وَبَارَكَهُ الرَّبُّ .. تكوين ٢٦ : ١٢

يمكن إنت كمان في سنة قحطك دلوقتي،
كل حاجة حواليك نشفة، مشاعر بردت،
الأحلام وقفت، والفرص اختفت،
بس الله لسه بيقولك: "اثبت… وماتخافش."

هو اللي قال:
وَفِي سَنَةِ الْقَحْطِ لاَ تَخَافُ، وَلاَ تَكُفُّ عَنِ الإِثْمَارِ. (إرميا ١٧: ٨)

الكلمة دي مش وعد في العموم كده،
دي شهادة حياة لكل واحد ثابت في الله..
القحط مش هيوقف حياتك،
ولا الظروف هتمنع ثمرك،🍀
طالما مصدر قوتك جاي من السما، مش من الأرض💜