منتدى الفرح المسيحى - قلبي مش بيبطّل يحكي معاك

عزيزي أبي السماوي ..
يمكن مش دايمًا بركع وأصلي زي ما المفروض ..
لكن قلبي مش بيبطّل يحكي معاك ..
في كل دقيقة.. في كل نفس.. في كل دمعة..
حتى في صمتي بصرخ ليك ..
أنا ابنك اللي يمكن لسانه يسكت.. لكن قلبه مايعرفش يسكت قدامك ..
بيحكيلك عن فرحه وحزنه.. عن خوفه ورجائه.. عن اللي جوه محدش شايفه ..
وبيصدق إنك سامع حتى الهمسة اللي مش بتتقال ..
يا رب.. خليني أعيش كل يوم وانا متطمن إنك شايلني ..
حتى لو ضعفت في الصلاة.. قويني بالنعمة ..
ولما الكلمات تخلص..
خليني ألاقيك في السكون جوا قلبي ..🤍