منتدى الفرح المسيحى - حتى وانت ساكت أنا واثق إنك بتشتغل

معلش يارب سامحني على جرأتي!
بس بجد نفسي أفهم..
اللي حياتهم اتقلبت حلو فجأة..
اللي اتشفوا واتعوضوا واتبدل حالهم..
عملوا إيه؟!
إيه السر اللي إحنا مش عارفين نوصله!؟
صلوا أكتر؟ آمنوا أقوى؟ ولا ببساطة كان ليهم ميعاد استنوه بحب؟
يا رب.. يمكن السؤال في شكله جرئ.. بس جواه عشم..
رغم الانتظار اللي طال..
احنا الناس اللي شايفة النور من بعيد ولسه مش عارفة توصله..
بس برضه هافضل مستنيك..
لأن حتى وانت ساكت.. أنا واثق إنك بتشتغل.