منتدى الفرح المسيحى - خطوة جديدة في رحلتك مع ربنا

• كل أزمة بتعدي على الإنسان بتسيب فيه أثر..
مش لازم يكون الأثر ده كسر.. ساعات بيكون نضج.. ووعي..
وقوة كان محتاجها عشان يعرف يعيش صح..
اللي بيتخطى أزمة بيرجع مختلف.. نظرته للحياة بتتغير..
طريقته في التعامل مع الناس بتتبدل..
وقلبه بيتعلم يقدّر أبسط التفاصيل اللي يمكن كان بيعدي عليها عادي قبل كده..
الأزمات مش بتيجي علشان تهدّنا.. لكنها بتعرّفنا جوانا على شخص ما كناش عارفينه..
شخص قادر يتحمل.. ويقف.. ويكمل.. يمكن مش بنفس البراءة..
لكن بعمق أكبر.. وبقيمة أعلى.. وده في حد ذاته هدية.
والتغيير اللي بييجي بعد كل أزمة..
بيكون خطوة جديدة في رحلتك مع ربنا
.. لأنه هو اللي ماسكك طول الوقت..
وهو اللي بيخرج من الجراح جمال.. ومن العتمة نور..