منتدى الفرح المسيحى - علاقات ربنا بيبعتها فجأة في حياتنا |فيلبس والخصى الحبشى

في علاقات ربنا بيبعتها فجأة في حياتنا،
مش طويلة ولا عميقة، لكن بتحط علامة ما تتنسيش👌
الخصي الحبشي كان راجع من أورشليم،
ماسك سفر إشعياء وقلبه مليان أسئلة.
مافيش حد يشرحله ويفك غموضاللي بيقراه!!

فجأة، الروح يقود فيلبس في طريقه، يقرب،
يسمع القراية ويسأله ببساطة:
"ألعلك تفهم ما أنت تقرأ؟" والسؤال ده فتح حوار غيّر مصيره📖
فيلبس شرح له عن المسيح، عن النعمة والفداء..
وأول لما الخصي الحبشي شاف قدامه ميّه، طلب إنه يتعمد وفعلًا حصل🥰

اللقاء خلص بسرعة وفيلبس اختفى،
لكن العلاقة القصيرة العابرة دي، إديته الخلاص👌

يمكن ربنا يبعتك لشخص في طريقك النهارده،
علشان كلمة واحدة تغيّر حياته

يارب ايديني قلب وذهن وودان مفتوحة،
عشان أكون دايما مستعد اعلن عن سبب الرجاء اللي فيّ🙏💜