منتدى الفرح المسيحى - رسالة إلى صديقي الخصوصي (ربنا)

صديقي الخصوصي
عايز اقولك
شُكراً عشان انت دايماً سامعني
ودايماً شايفني حلو في عينيك
مبتزهقشي لما اطيل ف الكلام
متزعلشي لما
بلخبط معاك
متيأسشي مني
لَما بغيب
مسبتش .. وانا اللي بغبائي بسيب
ودايماً معايا محاوطني ب ايديك

صديقي الخصوصي
شُكراً على تشجيعك لضعفي
وشُكراً لانك دايماً قابلني
مهما عَملت ومهما انشَغلت
ومهما هجرتك
وقت احتياجي .. ابُص التقيك
تطبطب عليا
وتِسمع بُكايا
بتُستر عليا وتِسمع دُعايا
مبتغيببش عني ف لحظة .. وبلقى
الامان والمحبة وخير بس فيك ..

صديقي الخصوصي
عايز اقولك
اني بحبك ومهما هقولك
قُليل عليك .. ❤️❤️❤️