منتدى الفرح المسيحى - صلاتي من عمق قلبي النهاردة

صلاتي من عمق قلبي النهاردة:
يا رب.. أنا ساعات حتى مش بعرف أرتّب كلماتي..
ولساني يتلخبط.. وقلبي يتشتت.
لكن انت اللي بتفهم الأنين قبل ما يكون كلام.. وبتفهم الدموع قبل ما تنزل.
علّمني إزاي أقف قدامك من غير خوف..
إزاي أكلمك كإبني بيحكي لأبوه..
وإزاي أفتح قلبي ليك من غير حواجز.
صلّي فيا يا رب.. خلّي روحك هو اللي يسبّح جوايا.. ويحوّل ضعفي لعبادة.
. وخوفي لسلام.. وضيقي لتسبيح.
خلّي حياتي كلها صلاة.. حتى سكوتي يبقى صلاة..
وحتى تعبي يبقى صلاة.
خليني أعيش دايمًا في حضنك.
. مش بعيد عنك ولا لحظة.