منتدى الفرح المسيحى - اوعى ترمى ازازه بلاستيك

اوعى ترمى ازازه بلاستيك

..
انا من طبعى ماحبش احتفظ بأى مالهاش استخدام وتكركب الدنيا معايا ..
زميلى فى السكن يقولى ياعم خليهم نحتاجهم اكيد ليهم عوزه ، اقوم انا واخدهم من وراه وراميهم ..
وفى يوم عرفنا ان المايه هاتقطع يوم كامل عشان فى تصليحات ..
ساعتها ندمت ندم عمرى انى رميت الازايز ، مالقتش حاجه اخزن فيها مايه ، واضطريت اجيب كراتين مايه معدنيه بالغالى ...
الخلاصه اللى عاوز اقولها ..
عارف المثل اللى بيقول اللى ماتحتاجش وشه انهارده بكره تتشحتف على قفاه ..
اهو ده بالظبط اللى عاوز اقوله ، فى ناس ماشيه بمبدأ طالما مش محتاجك يبقى ما قدركش ..
صدقنى كل اللى رفضوك دلوقتى وقلو منك قدام الناس بكره هايجى اليوم وهايتمنوا بس انهم يقفوا معاك ويكلموك ، ماتستقلش بنفسك انك جواك كنوز كتيره حاول تستغل نفسك صح وتثبتلهم انك احسن منهم وتقدر تنجح 🙏